Die kleinsten unseres Vereins, die Jugi, hatte heute ihr Trainingstag in der Dossenhalle in Kerns. Am Morgen haben sie noch fleissig an ihren Übungen geübt. Am Nachmittag durften sie dann bei einem Probewettkampf mit Wertungsrichter ihr Können zeigen. Es war ein sportlicher und erfolgreicher Tag.

Gstartet hemmer am Sunntigmorgä am 08:30 Uhr midem Uifstellä vo allnä Grät. Ahschliässend heds es gmeinsams Ihtrunä gäh. S Ihtrurnä hemmer mit mä chliinä Rückblick ah iisi Turnshow gstartet wommer iisi Dancebattels wieder mal tanzed hend. Nachem Ihturnä ischs de aber Ärnst wordä und dä Barrä hed grad gstardet, parallel zum Fachtest. Voller Konzentration hemmer das Barräprogramm, dä Fachtest, nah ds Sprungprogramm und zum Schluss no s Ringprogramm turned. Jedä Durchgang isch gfilmed wordä, dass mer grad alli Fähler hend chennä Analysiärä. Verdiänt hemmer de nah iisi Mittagspaisä. Gässä hemmer Salat und Pasta im Berg und Berg. Nachem Kaffee isches de diräkt wieder mitdem Ihturnä wiitergangä. Mä merkt Kraft fählt langsam scho chlii. Mer hend aber alli iisi Energie nomal gsammlet und alli Programm nomal chennä vollgas turnä. Scho glii heds wieder geheissä miär miässi zämmä ruimä und am 16:30 Uhr isch dä Tag ai scho wieder verbii gsi. Zwar miäd und ohni Kraft meh, aber super vorbereitet fir iisä ersti Wettkampf das Jahr hemmer fir hit d Turnhallä verlah.

Jahresabschluss 2024

Vereinsausflug 2024: Gestartet hed iisä Vereinsuisflug am Samstig am Morgä am 09.20 Uhr ih dä Dossähallä z Kerns. Mer sind voller spannig und vorfreid ahs erstä Ziel gfahrä. Iises erstä Ziel isch d St. Beatus-Höhle in Interlake gsi. Nacherä spannendä Fiährig simmer wiiter ih Seilpark. Dert heds zerst mal eppis zum Picknickä gäh. Nach ahspruchsvollä und coolä Klätterrundenä simmer zu iiser Ubernachtigsunterkunft gfahrä. Mit mä feinä Fondue hemmer de en sehr gmiätlichä Abä verbrungä. Am Sunntig hemmer de en Fox-Trail im Glaibäbärg gmacht. Nach grosser Hirnahstrengig simmer de wieder zrugg uf Kerns greist. So hemmer es mega cools und lustigs Wuchänändi derfä verbringä:)